އިންސާނުންނަކީ ވަރަށް އަމިއްލަ އެދުން ބޮޑު ބައެކެވެ. އަޅުގަނޑު މިހެން މިދެންނެވީ ހަމަ ޤަސްތުގައެވެ. އެހެނީ ކޮންމެ މީހަކުވެސް މަސައްކަތް ކުރަމުންދަނީ އޭނާގެ މުދާވެރިކަން އިތުރުކޮށް މަޝްހޫރުކަން އިތުކޮށް އަރާމުގައި ދިރިއުޅުމަށެވެ. މިއިންކަމަކަށް ހުރަސްއެޅި އުނިކަން ލިބޭނަމަ އެއީ ގެއްލިގެންދާ ޙައްޤެއްކަމުގައި ނުވަތަ އެއީ އޭނާއަށް ލިބޭ އަނިޔާއެއްކަން އިންސާނާ ދެކެއެވެ. އަދި އެ ޙައްޤު ހޯދުމަށް އެޅެންހުރި ހުރިހާ ފިޔަވަޅެއް އަޅައި ދަޢުވާ ކުރެވެން އޮތް ހުރިހާ ތަނަކު އެކަމުގެ ދަޢުވާކޮށް އެކަމާ ދެކޮޅަށް އަޑުއުފުލައި ހަދައެވެ. މިކަމުގައި އަނެކާއާމެދު ކުޑަވެސް ޚިޔާލެއް ފިކުރެއް އެދަނޑިވަޅުގައި އޭނާ ނުކުރެއެވެ.
ދާދިފަހުންވެސް އިވިގެންދިޔަ އަޑަކީ އަންހެނުންގެ ޙައްޤުތައް ހޯދައި އެކަނބަލުންނަށް ކުރާ އަނިޔާ ހުއްޓުވުމަށް ރައްޔިތުންގެ މަޖިލީހަށް ބިލެއް ހުށަހެޅި ވާހަކައެވެ. މިއީދެން ކިހާ ހެއްވާ ކަމެއް ހެއްޔެވެ. ހަމަޔަޤީނުންވެސް އެއްކަނޑިއަކަށް ދެއުރައަކު ނޯވެވޭނެއެވެ. އަންހެނުންގެ ޙައްޤުތައް ނިގުޅައިގަންނަން ފާޅުގައި މަސައްކަތްކުރަމުން އެބައިމީހުންނަށް ޙައްޤުހޯދައިދޭނީ ކިހިނަކުންތޯއެވެ؟
އިސްލާމްދީނުގައި އަންހެނުންނަށް ދެއްވާފައިވަނީ ވަރަށް މަތިވެރި ޤަދަރަކާއި ޢިއްޒަތެކެވެ. އެކަނބަލުންނަށް އޮތީ އިސްލާމީ ޖިލްބާބުން ނިވާވެ ތިބުމެވެ. އަދި އެކަނބަލުންގެ ގެތަކުގައި ޤަރާރުވެ ތިބުމަށެވެ. މިއީ އިސްލާމްދީނުގައި އެކަނބަލުންގެ ޙިމާޔަތާއި ރައްކާތެރިކަމަށް ދީފައިވާ ޙައްޤެކެވެ. އަދި އެކަނބަލުންގެ މަސްއޫލިއްޔަތެކެވެ. މިއާ ޚިލާފަށް އަންހެނުންތައް ނިވާކަންކުޑަ ފޭރާމުގައި ބަރަހަނާ ޙާލަތުގައި މަގުމައްޗަށްނެރެ ފިރިހެނުންނާއި މަސްހުނި ކުރުމަށްފަހު ދެން ލިބޭގެއްލުމުގެ ބަދަލުގައި ޙައްޤު ހޯދާނީ ކިހިނަކުން ހެއްޔެވެ. މިކަހަލަ ތަނެއްދޮރެއް ނުދަންނަ ޖާހިލުން މަޖިލީހުގެ ތަޅުންމަތީގައާއި އެހެނިހެން ބައެއްއިސްމަޤާމުތަކުގައި ބޭތިއްބުމުގެ ކުރިން ފުރަތަމަވީ ދީނުގެ ޢިލްމާއި ދުނިޔަވީ ޢިލްމުވެސް އުނގަންނައިދޭށެވެ. އެހެނީ ދީނީގޮތުން ކީއްކުރަންތޯއެވެ؟ ދުނިޔަވީގޮތުންވެސް ޖާހިލުކަން އަށަގެންފައިވާތީއެވެ. އެހެނީ މިފަދައިން އެންމެ ބާރަށް ހަޅޭއްލަވާއުޅެނީވެސް އެންމެކުޑަމިނުން އަންހެނާގެ އައުރައަކީވެސް ކޮންއެއްޗެއްކަން ނޭނގޭވަރުގެ “ބތ” އިންނެވެ. މިމީހުންގެ ބޭނުމަކީ އަންހެނުންގެ ޙައްޤުތައް ހޯދައިދިނުމެއްނޫނެވެ. ހަމަސީދާ ފިރިހެނުންނަށް ތުއިދެއްކުމެވެ. އޮރިޔާމުންހުރެ ޓީވީތަކަށްއަރައިގެން ތިމާމެންވަރުގެ ތަހުޒީބުބައެއްނެތްކަމަށް ހެދިގެންއުޅޭއިރު ތިމާމެން ހެއްދެވި ފަރާތަކީ ކޮބާކަމެއްވެސް ނުދަނެއެވެ. ތިމާމެން ޢާއްމުންގެ ތެރޭގައި އޮރިޔާން ނިވާނުކޮށް ތިޔައުޅެނީ ތިމާމެންގެ  ހަށިގަނޑުގައި އެހެން އަންހެނުންގެ ގައިގަނެތް އިތުރު އެއްޗެހިތަކެއް ހުންނަނީ ހެއްޔެވެ. އެހެންވެއްޖެކަމަށްވަންޏާ އަދި މާ އައިބުވާނެއެވެ.
ކޮންމެއަކަސް އަންހެނުންނަށް ކުރާއަނިޔާ ހުއްޓުވަން އަންހެނުން ނުކުންނަނަމަ ފިރިހެނުންވެސް ފިރިހެނުންނަށް އަންހެނުން ކުރާ އަނިޔާ ހުއްޓުވަން މަޖިލީހަށް ބިލެއް ހުށަހަޅަންޖެހެއެވެ. އަނބިންގެ ފަރާތުން ފިރިންނަށްލިބޭ އަނިޔާއަކީ މިއަދު އަޅުގަނޑުމެންގެ މުޖްތަމަޢުގައި ވަރަށް ޢާއްމު ކަމެކެވެ. ތަންކޮޅެއް ލާރިލިބޭ އަންބެއްނަމަ ފިރިމީހާޖެހޭނީ އަނބިމީހާއަށް ޣުލާމުކުރާށެވެ. މިކަން އާއްމުގޮތެއްގައި އޮންނަނީ ދެމަފިރިންގެ ތެރޭގައި އުޅޭ މާލޭއަންހެނުންނާއި ރާއްޖެތެރޭ ފިރިހެނުންގެ ތެރޭގައެވެ. މިފަދަބައެއްއަނބިން އެހެން ފިރިހެނުންނާއެކު އެކިގޮތްގޮތަށްއުޅެނީ ފިރިމީހާގެ ކުރިމަތީގައެވެ. ނުވަތަ ފިރިމީހާއަށް އެނގޭ ޙާލުގައެވެ. މިއީ ފިރިއަކަށް ލިބޭ ކިހާބޮޑު އަނިޔާހެއްހެއްޔެވެ. އަނިޔާކިޔަނީ ހަމައެކަނި ގާތްގަ ތެޅުމަށްހެއްޔެވެ. ތިހެންވެއްޖެކަމަށްވަންޏާ ތިކަން ތިޔަމާނަ ކުރަނީ ވަރަށް ނާތަހުޒީބުކޮށެވެ. މިއީ އަންހެނުން ފިރިހެނުންނަށް ކުރާ އަނިޔާއަކަށް ނުވާންވީ ކިހިނަކުން ހެއްޔެވެ؟ އެހެންކަމުން ފިރިހެނުންނަށް ކުރާ އަނިޔާ ހުއްޓުވަން ވެސް މަޖިލީހަށް ބިލެއްލުމަށް އަޅުގަނޑު ގޮވާލަމެވެ!
ކޮންމެއަކަސް މިފަދަކަންކަމުން އެނގެނީ މުސްލިމުންގެ ނަމުގައި އަޅުގަނޑުމެންގެ ތެރޭގައި ދިރިއުޅޭ މީސްތަކުން ދީނާއި ދުރުވެފައިވާ މިންވަރެވެ. އެހެނީ މިބައިމީހުން ޙައްޤުތަކޭ ކިޔައި އަނގަފުޅާކުރާއިރު މިބައިމީހުންގެ މަސްއޫލިއްޔަތަކީ ކޮބައިކަމެއް ހަނދާނެއްނެތެވެ. މަސްއޫލިއްޔަތާއި ޙައްޤާއި މިދެކަމަކީ ދުވަހަކުވެސް ވަކިނުވާނެ ދެއެއްޗެކެވެ. މިކަން އަޅުގަނޑުމެންނަށް ހަމަރަނގަޅަށް އެނގެއެވެ. ދޭތެރެއަކުން ޙައްޤުތައް ހޯދަން ކަމަށްބުނެ އޮފީސްތަކުގެ މުވައްޒަފުން މަސައްކަތް ހުއްޓާލައިފާނެއެވެ. އެކަމުގެ ސަބަބުން ނިކަމެތި ދިވެހި ރައްޔިތުންނަށް ލިބެންވާ ޚިދުމަތް ނުލިބި، އެންމެމީހެއްގެ ސަބަބުން އެތައް ސަތޭކަ ބައެއްގެ ޙައްޤު ގެއްލި ދެއެވެ. މަސްއޫލިއްޔަތު ނުއުފުލުމުގެ ނަތީޖާއެއްގެ ގޮތުންނެވެ.
އަދި އެއްވާހަކަ ދަންނަވާލާނަމެވެ. ޙައްޤުތައްހޯދުމަށް ނުކުމެ އުޅޭ ގިނައަންހެނުންކުރެ ނިކަން އަހާލަބަލާށެވެ. ތިމާމެންގެ ފިރިންނާއި ދަރިންނާއެކު ދުވާލަކު ހޭދަކުރަނީ ކިތައް މިނިޓްތޯއެވެ. އެމީހުންގެ ޙައްޤުތައް ނިގުޅައިގަނެ ދެންހޯދަން ތިޔައުޅޭނީ ކޮން ޙައްޤެއްތޯއެވެ. އޭ މޮޔަޔާއެވެ! ނިކަން ލޯގަނޑެއްގެ ކުރިމައްޗަށް ހުއްޓިހުރެ އަމިއްލަ ނަފްސާ ސުވާލު ކޮށްލަބަލާށެވެ.
ޙައްޤުތައް ހޯދާން ނުކުމެ ތަންމިނަށް އަނގަފުޅާކޮށް ހަޅޭލަވާ މީހުން ދަންނާށެވެ! ތިޔަބައިމީހުން ތިޔަތިބީ ހުޅަނގުގެ ޖާހިލުކަމުން މަގުފުރެދިފައެވެ! ފުރަތަމަ ތިމާމެންގެ މަސްއޫލިއްޔަތު އަދާކުރާށެވެ! ދެން ޙައްޤު ނުލިބި ހުރޭތޯ ބަލާށެވެ! ފުރަތަމަ ﷲ އަށް އަދާކުރަންޖެހޭ ޙައްޤު އަދާ ކުރާށެވެ! އެކަލާނގެ އެންގެވި އެންމެހާ ކަންކަމަށް ބޯލަނބައި ކިޔަމަންގަންނާށެވެ! އޭރުން ދުނިޔޭގައި ރިވެތިވެގެންވާ ލުއިފަސޭހަ ދިރިއުޅުމެއް ލިބޭ ހުއްޓެވެ! ﷲ ގެ ޤާނޫނުގައި އެވަނީ މީސްތަކުންގެ އެންމެހައި ޙައްޤުތައް ލިބިދީފައެވެ. މިޙައްޤުތައް ލިބިގަންނަން ބޭނުންވާ މީހާ އެންމެފުރަތަމަ އޭގައިވާ ގޮތަށް ޢަމަލު ކުރުމުގެ މަސްއޫލިއްޔަތު އުފުލާށެވެ! އޭރުން ދުނިޔެއާއި އާޚިރަތުގައި ޙައްޤުގެ މައްޗަށް ޙައްޤު ލިބޭނެކަން ކަށަވަރެވެ!

ލިޔުނީ: އަލްއަޚް ބިންމުޙައްމަދު / ރާއްޖެއިސްލާމް

-ރާއްޖެއިސްލާމް-

އޯޑިއޯ އަޑުއެހުމަށް މި ލިންކަށް ފިތާލާ

ރާގޮނޑި އެންޑު ޖަނގިޔާ އެއްމިލިޔަން ކަންތަށް ހަލާސް ކުރިގޮތުގެ ސްޕައި ފޯންކޯލަކުން ބޭޒާރުވެއްޖެއެވެ.  އަޅެފަހެ މިކަމެއް ހިނގައިފިއެވެ. މި ފޯންކޯލް ނެގިފައިވަނީ ދިރާގުގެ  ބަޔަކު މެދުވެރި ވެގެންނެވެ.  އާދެ ދިރާގަކީ ޖާސޫސު ކުރުމުގެ މައި އެއް އިދާރާ ކަމުގައި ދަންނަވަމެވެ. އައްސަރިބަހާ ސާބަސް ކިޔަމެވެ. ދިރާގު މެދުވެރިވެގެން ރައްޔެތުންގެ  އަލުން ލާރި ފެލިޔަސް މިކަމަކީ މޮޅު ކަމެއް! އަދިވެސް ވަގުންގެ ކޯލްތަށް ރިކޯޑްކޮށްގެން ޢާންމުކުރަންވީ.

އާދެ ޔާންޓޭ އާއި ޖަނގިޔައްޓޭ އަކީ މާލިއްޔާތުން ދިރުވާލުމުގައި ފަސްފަހަތަށް ނުބަލާ މަޅަމުން ދާބައެކެވެ. އަދި އަމުދުން ކޯލެއް ބޭޒާރުވިޔަސް، އެވެރިން ސިހޭނެކަމަކަށް ނުބެލެވެއެވެ. އެއީ ގޮނޑީގައި ތިބެގެން ބޯކުޅެގެން ލާރި ޚަލާސް ކުރުމުގެ 30 އަހަރުގެ ސިލްސިލާ ބޮޅަކަވެ، ވައްކަންކުރުމުގެ ސަގާފަތެއް ދެމެހެއްޓި ބައެއްގެ ތެރޭގައި އުޅުނު މާރިދުންނަށް ވާތީކަމަށް ބެލެވެއެވެ
.

ކުއްޓިނަޝީދުގެ ބުލޮގު ގައި ލަޑާފައިވާ ލިޔުން ކިޔާލީމާ މޯކުޅި ކުއްޓީގެ، ޚިޔާނާތަށް ބާރުދޭ ގޮތް ބޮލައް ވަދެގެންދާނެއެވެ. www.mnasheed.com ބޮޑުވަގު ކުއްޓިވެސް އެއުޅެނީ އަމަށަކު ބިރަކުން ކަން  ބައްލަވާ!

މިލިޔުން ރައްޓެހީންނާއި ރައްޓެހީންގެ ރައްޓެހީންނާ އަދި ޒާތީ މީހަކައްވިޔަސް ފޮނުވާލާށެވެ.

އެކަމު މި އޯޑިއޯ ވިޔަފާރީގެ ގޮތުގައި ބޭނުންކުރަން ވާނީ (އޯޑިއޯގައި މި އުޅޭ މުއްލާ ސޭޓުން)އެދެމީހުންގެ ހުއްދަލިބިގެންނެވެ.

ޗުކުރިއްޔާ!

ޤާނޫނު އަސާސީގައި ފޮރުވިފައިވާ މިލިޓަރީ ވެރިކަމުގެ ފުރަތަމަ ސިލްސިލާ ބޮޅު!

ވަޒީރުންގެ މަޖިލީހުގެ މެންބަރުން އިސްތިއުފާ ހުށައަޅުއްވައިފިއެވެ. އިސްތިއުފާ ހުށައެޅުއްވީ، ވަޒީރުންގެ ޤާނޫނީ ހުވަޔާއި އެއްގޮތަށް މަސައްކަތް ކުރިއަށް ގެންދެވުމަށް ރައްޔިތުންގެ މަޖިލީހުގެ އެއްބާރުލުން ނުލިބޭތީވެ ކަމަށްބުނެއެވެ! މިކަން ހާމަކުރީ ކުއްލި ނޫސްވެރިންގެ ބައްދަލުވުމެއްގައި، މި އިސްތިއުފާ ގެ ސިޓީތަކާއި ރައީސުލްޖުމްހޫރިއްޔާ ހަވާލުވީ ނޫސްވެރީންގެ ކުރިމަތީގައެވެ. މިހާރު ވަޒީރުންގެ މަޖިލީހުގައި ތިއްބެވީ ރައީސުލްޖުމްހޫރިއްޔާ އަދި ރައީސުލްޖުމްހޫރިއްޔާގެ ނައިބު.

ދައުލަތުގެ އެންމެ މަތީ ވެރިޔާ ގެ ހައިސިއްޔަތުން މިމައްސަލަ ތަހުގީގު ހިންގުމަށް ހަމަޖެހިފައި ވާކަމަށް ރައީސުލް ޖުމްހޫރިއްޔާ ނޫސްވެރިންގެ ބައްދަލުވުމުގައި ވިދާޅުވި! ފުލުހުންނާއި އެމްއެންޑީއެފް އަދި ދައުލަތުގެ ހުރިހާބާރެއް ބޭނުންކޮށްގެން މިމައްސަލަ ބަލާ ތަހުގީގެއް ހިންގާ، މި މައްސަލައަށް ހައްލެއް ގެންނާނެ ކަމުގެ ޔަޤީންކަންވަނީ އަރުވާފަ. އަދި ރިޔާސީނިޒާމެއްގައި ޤާނޫނީ ވެރިކަން އިމުގެތެރޭން ގެންދާއިރު، ރައްޔިތުންގެ މަޖިލީހުގަ އޮންނަ ސަރުކާރާއިދިކޮޅު ފިކުރުގެ މެޖޯރިޓީއަށް ސަރުކާރު ހިންގުން ހުއްޓުވާ ނުލެވޭނެކަމަށް ރައީސުލްޖުމްހޫރިއްޔާ ވިދާޅުވިއެވެ.

ނޫސްވެރިޔަކު ކުރި ސުވާލަށް ޖަވާބު ދެއްވަމުންރައީސުލްޖުމްހޫރިއްޔާ ވިދާޅުވީ، ސަރުކާރު ފެއިލްވަމުންދާކަމުގައި ޤަބޫލް ނުކުރާނެކަމަށާއި ޤާނޫނު އަސާސީގެ ބާރު ކެނޑުވުމަށް މަޖިލީހުން ބާރުދޭކަމަށް، ޤާނޫނު އަސާސީ ތަންދޭގޮތަށް ، މިކަން ވަރަށް ހޫނުކޮސް ބަލާ ޤާނޫނީ ފިޔަވަޅު އަޅާނެކަމަށެވެ.

ޑރ. މުސްތަފާ ލުތުފީ ވަޒީރުކަމުން ބޭރުކުރުމަށް ޤާނޫނު ހަދާ މަޖިލީހުގައި 30 ޖޫން 2010 ވަނަ ދުވަހު ވަނީ އިތުބާރު ނެތްކަމުގެ ވޯޓެއްނެގުމަށް ހަމަޖެހިފައެވެ. މިކަމަކީ މީގެ އިދިކޮޅު ދިފާއީ ސިޔާސީ އުކުޅެއްކަމަށް ލަފާކުރެވެއެވެ. ސަރުކާރާއި އިދިކޮޅު ސިޔާސީންނަށް ކާންދީފައި ކަތިލާ އުސޫލެވެ. ޑރ. މުސްތަފާ ލުތުފީ އަކީ ވަރަށް ނުފޫޒްގަދަ ބޭފުޅެއްކަމަށް ބެލެވެއެވެ.

މޯކުޅި ހިއްލަތު އެހެރީ ބިޑިއަޅުވާފަ، ޕޮޓޯނަގަން ވެރީންގެ ލެންސްތަށް އަމަޒު ވުމާއި އެކު އިނގިލި އަރުވަންވެސް ނޭނގި އަމައްޔާތްވެފަ!

މަޝްހޫރު ފިރިހެން ކުޅީ ހިއްލަތު ރަޝީދު ރ.ފުރަވެރި ކިޔާ ފަޅުރަށެއްގައި ހޭނެތިފައި އޮއްވާ ފެނިއްޖެއެވެ. ގޮތްނޭނގޭ ކަންތަށް ގަނޑެއްގައި ހިއްލަތުގެ ރައްޓެއްސެއްގެ މިފަޅުރަށައް ހިއްލަތު ދިޔައީ މީގެ ދުވަސްކޮޅެއް ކުރިންނެވެ. ފަޅުރަށުން ވާހަކަދެއްކި މީހަކުބުނީ ހިއްލަތު މުޅިންވެސް އުޅެނީ އެކަނިމާ އެކަނި ވަލުގަ އެވެ. ކުރަނީ ކީތްކަމެއް ނޭނގޭ! 2010 ޖޫން 23 ވަނަދުވަހު، އިއްޔެގެ މެންދުރު ހިއްލަތު ކާން ނައިސްގެން އޭނާ އުޅޭ ގެއައްދިޔައިރު ގޭގަ ނެތިގެން ހޯދަމުން ދަނިކޮށް ފެނުނީ ރަށުގެ އުތުރު ފަރާތު ހޭޅިފަށުގައި ހޭނެތިފައި އޮއްވައެވެ.

ރޭ ގާތްގަނޑަކަށް 6 ޖަހާއިރު ފުލުހުންގެ ބެލުމުގެ ދަށުން އުނގޫފާރަށް މީނާ ވަނީ ގެނެވިފައެވެ. ހިއްލަތު މިހާރު އޮތީ ޕޮލިހުންގެ ބެލުމުގެދަށުގައި އުނގޫފާރު ރީޖަނަލް ހޮސްޕިޓަލް ގައި އެޑްމިޓް ކުރެވިފައެވެ. މިއަދު 11 ޖެހިއިރު އޭނާވަނީބިޑިއަޅުވައިގެން އުނގޫފާރު ޕޮލިސްސްޓޭޝަން އަށް ގެން ގޮސްފައެވެ.

މޯކުޅި ހިއްލަތުގެ އަތުން ޝައިތާނާގެ ނިޝާނެކޭ ކިޔުނު ހުޅަނގުގެ މޯކުޅީންގެ ހަރަކާތެއް ދައްކާލަނީ! މިއީ މާސޮޑެއް! އަދި މާ ރުނޑިއެއް، ފަތްބޯ! ޕާޓޭ!

ފުލުހުނާ ހަވާލާދީ މަޢުލޫމާތު ލިބުނު ގޮތުގައި، ހިއްލަތުވަނީ މަސްތުވާ ޒާތުގެ އެއްޗެއް ބޭނުންކޮށްފައެވެ. މިކަން ތަހުގީގް ކުރުމަށް ވަނީ ހަމަޖެހިފައެވެ.

މީގެ ދުވަސްކޮޅެއް ކުރީން ވަނީ، މާލޭން ބޭރަށް ދާންއުޅޭ ވާހަކަ ހިއްލަތުގެ ބޮލޮގްގައި އިއްލާކޮށްފައެވެ. މިކަން ފަޅާއެރުމާއި އެކު ޓެރަރިސްޓް ހިއްލަތު މަސްތީ ކުޅިގަނޑު ބަސްޓްވީއެވެ. އިސްލާމް ދީނަށް ތިމާ ހިތުހުރި ނަފްރަތެއް އޮއްސާ، މުޖްތަމައު ފިތުނަކޮށް، އިސްލާމުންނަށް ރައްދުކޮށް މީނާ ވަނީ ޖަރީމާ ހިންގާފައެވެ.

ހިއްލަތުވަނީ މީގެ ކުރީންވެސް މިފަދަ މަސްތުވުމުގެ ސިލްސިލާއެއް ހިންގާފަ! މުއުތަބަރު ފަރާތް ތަކާއި ހަވާލާދީ، ހިއްލަތު މަސްތުވުމުގެ އާލާތްތަކުގެ ތެރޭގައި ތެޔޮބިޑި، ހަކުރު، ބަނގުރާ ހިމެނޭ!

މިބޭފުޅާ އަކީ މީނާޒުކުޅި ނުވަތަ ސަދޫމްކުޅީގެ ބާންޏެއް ކަމަށް  މި ޤައުމު ހެކިދޭ !

ޚަބަރު:  ބަޑިއެދުރު ރ.އަތޮޅު ބިއުރޯ

އެކާވީސް އަހަރުގެ އަންހެނަކު ވަޅިން ހަމަލަދީ 34 އަހަރުގެ ޒުވާނަކު މަރާލައިފިއެވެ. އެމްޑީޕީގެ އެކްޓެވިސްޓެއް ކަމަށްވާ އިބްރާހީމް މަނިކު ( ބައިކަނޑި ) ގެ އަންހެންދަރިފުޅު ވަޅިން ހަމަލަދީ މަރާލާފައިވަނީ އޭނަގެ ކުރީގެ ފިރިމީހާ އަދި ދަރިފުޅުގެ ބައްޕަ ޝާހިދު އެވެ. މިއަދު ހަވީރު ހަތަރެއް ޖަހާކަށްހާއިރު ހިންގި މިޤަތުލު، ހިންގާފައިވަނީ ޤާތިލުގެ ގެ ކަމުގައިވާ ހ. ބައިކަނޑިގޭގެ ކޮޓަރިއެއްގައެވެ.

މިދެމީހުންގެ ކުޑަދަރިފު ގެންގޮސް އެދަރިފުޅުގެ މާމައާއި ހަވާލުކޮށްފައި އަންހެންމީހާ ބުނިކަމަށްވަނީ މިބަކަރި ދެން ތިމަންނަގެ އަށް ފޮނުވައިގެންނުވާނެ ކަމުގައެވެ. މިކަމާއިގުޅިގެން ޝާހިދު ބައިކަނޑިގެއަށް ދިޔައީ އެދަރިފުޅުގެ އެއްޗެތި ބަލައެވެ. އަދި މިދެމީހުންގެ މެދުގައި ހިނގި ޒުވާބަކަށްފަހު އަންހެންމީހާ ވަޅިން ހަމަލަދިނީއެވެ. މަޢްލޫމާތު ލިބިފައިވާ ގޮތުގައި މިހާދިސާ ހިގާފައިވަނީ ޝާހިދު އެގެއަށް ވަންތާ ގާތްގަޑަކަށް ދިހަވަރަކަށް މިނިޓްގެ ތެރޭގައެވެ.

ލިޔުނީ: މުޝްރިފް

ދުރަށްވިސްނަމުން ކުރަހަމުން ރާވަމުން ޒަމާންތަށް މިވަނީ ފަހަނަ އަޅާ ގޮއްސައެވެ. ބޯދާ ސަޤާފަތާއި ޖާހިލުންގެ ޒަމާނާއި އަލްވަދާއުކިޔާފަ! ދިވެހި ކާބަފައިންނާއި ކާއަމައިންގެ ޒަމާނާއި ބުދުދީންވެސް ދޫކޮށް “ދިވެހި ޤާނޫނީ ދީން” ޚިޔާރުކޮއްފައެވެ. އަމުދުން މި ޒަމާނަކީ ތަހުޒީބީ ދުވެލިބާރު މަޢުލޫމާތުގެ ޚަޒާނާ، މިއަދަށް ކުރި އަރައި ފައިވާ ޒަމާނެކެވެ. އެއީ މާތްވެގެންވާ ދިވެހީންނެވެ. ހުއްބުލް ވަތަނުގެ ދަރީންނެވެ. މިލިޔުން ކިޔާން އެދެވެނީ ދެންފަހެ ކެތްތެރީންނެވެ. މިދައްކަނީ ފަރަންޖީންގެ ވާހަކައެވެ.
ވިސްނުންހުއްޓެވެ! މާޒީގައި (ރަނިކަނބަލުން/ރަސްކަލުން، ބޮޑުން އަދި ނިކަމެތިން) ވަރަށް އަނިޔާވެރި ގޮތަކަށް މަރާލާފައި، ބޯބުރިކޮށް ހަދައި އުޅުނު ޒަމާނެއް ތާރީހު ދުށީތީ، ލިޔުންތެރީންގެ ލިޔުންތަކުން ހެކިދެއެވެ. އޭރުވެސް މިހާރުވެސް އިންސާނުން މަރާފައި ބޯ ބުރިކުރެއެވެ. އިންސާނުންގެ ބޯ ބުރިކޮށް ހެދުމަކީ މިޒަމާނުގައި ރައްޔިތު ކުޅިވަރަކަށް ނުވެއެވެ. މިދުވަސްވަރު ބެލެވެނީ ޖަރީމާއެއް ކަމުގައެވެ. ޖާހިލު ވެރިކަމުގެ ނިޒާމުތަކުގައި އޮތް ކުޅިވަރެކެވެ.
ސިޔާސީ ދުއްތުރާތަކާއި ހެދި އިދިކޮޅުވާ އިންސާނުން ގޮތުން ކުއްވެރިކޮށް ހައްޔަރު ކުރެވެއެވެ. އަދި އެ މީހާ މަރާލާ ބޯބުރިކޮށް ބިންމައްޗަށް އެއްލާލެވެއެވެ. އެކަން ރައްޔެތުން ނާ ހިއްސާކޮށްލުމަށް (ސިޔާސީ ކަތިލުމާއި ކުޅިމަޖާ ދެއްކުމަށް/ބިރުދެއްކުމަށް) ރައްޔެތުން (ލާއިންސާނީ އަމަލުގެ ކުޅިވަރު ބަލާހިތްވާ) އަނިޔާގެ ދަރުބާރަށް ހާޒިރުވުމަށް ދައުވަތު ދެވެއެވެ. ވެރީންދެކެ ގަންނާ ކުރައްވާ ބިރަކުން އެންމެން ޖަމާވާން ފަށާނެތެވެ.
މަންޒަރު ހުތުރު ވެފައި އަނިޔާވެރިއެވެ. ވަކިކުރެވުނު ބޯބުރި ކުޅިބަލާ ދަރުބާރަށް ގެނެވެނީ ވުވުޒެލާ (ދުންމާރި) ގައި ކަމަށް ބެލެވެއެވެ. ކުޅިވަރުގެ ދަރުބާރުގެ މެދަށް ބޯބުރި ހޫރާލުމާއި އެކު، ވެރިމީހާގެ (ރެފްރީ) ބަހަށް ބޯބުރީގައި ކޮޅުފައިން ތަޅަން ފެށެއެވެ. ސައިތާނީ ވަޅުޖެހުމެއް ތެރޭ ކަނުވެފައެވެ. އެ ކުޅިވަރުގައި އެޒަމާނުގައި ލަނޑުޖަހާނެ، ވަކި އަމާޒެއް (ގޯލްދަނޑި) ނުހުރެއެވެ.
ފުރާނަ ދުއްވާލެވިފައިވާ ހަށީގެ ބޮލަކީ “ބޯޅައެއް” ފަދަ އެއްޗަކަށް ނުވާނެ ގޮތެއް ނުހެދޭނެތާއެވެ. އެޒަމާނުގައި ބޯޅަ އީޖާދު ކުރެވިފައި ނުހުރެއެވެ. މިޒަމާނުގެ ފުޓްބޯޅަ އަކީ ކުރީން ބަޔާން ކުރެވިދިޔަ ހާދިސާ ތަކުގެ މައްޗަށް، ޒަމާނީވެފައިވާ އަދުގެ ކުޅިވަރެއް ނޫންހެއްޔެވެ. އަހުރެން މި ކުޅިވަރަށް ދިވެހި ބަހުން ކިޔާނީ “ފުޓްބޯޅަ” ނުނީ “ފައިބޯޅަ” މިހެންނެވެ. ބޮޑަށް ގުޅުވޭނީ “ފައިބޯ” މިހެންކިޔާފައެވެ.
ގިނަބަޔަކު މިދުވަސްވަރު ޣަރަގު ވެފައި މިވަނީ، އަނިޔާވެރިކަމަކުން އުފެދިފައިވާ އިންސާފެއް ނެތް (ޝައިތާނީ) ޒަމާނީ ވިޔަފާރި (ފައިސާއަށް ޓީމުތަށް ގަނެވިއްކާ) ކުޅިވަރަކަށެވެ. މިއަދު މިވަނީ އެވެރީންގެ މީޑިއާގެ ބާރުވެރިކަމުން އޮޅުވާލާ ބަޔަކު މި މަޅީގައި ޖައްސާފައެވެ. ވޯލްޑް ކަޕޭ ކިޔައިގެން ބަޔަކުންގެ މީހުންގެ ޖަޒްބާތާއި ކުޅެލާ ލޭ ކައްކުވާ ލާފައި ވިޔަފާރީގެ ނަމުގައި މާލިއްޔަތުން ފެލަނީއެވެ. ފުޓުބޯޅަޔަކީ ދިވެހިރާއްޖޭގެ އިޤްތިސާދު ބަނަކުރާނެ ކުޅިވަރެކެވެ. 30 އަހަރުވަންދެން ހޭވިހަޑި އަދިވެސް ހޭވުމަށް ޖާގަ ދެވެނީއެވެ.
ޖޯޒީ، ފަތިޓީވީ، ބޮލުގައިލާ ކުލަ، އަތުގައި އަޅާނެ އުޅާފަދަ ގަހަނާ އަޅައިގެން ރަށުތެރޭ ދުންބުރުވަމުން ދުވިޔަސް، މިޤައުމުގެ އިޤްތިސާދު ނެގެހެއްޓޭނެ ކަމަކަށް ނުބެލެވޭނެއެވެ.

ބަޑިއެދުރު.ކޮމް

ރުޅި އަންނާނެ ކަމެއް ނެތެވެ. ކިޔާށެވެ. ހަޖަމް ނުކުރެވެންޏާ ރޭށެވެ. ގުއި ރުނަސްހެވެ. ހިޔާލުފާޅުކުރުމަކީ ހަމަ ކޮންމެ އިންސާނަކަށްމެ ލިބިފައިވާ ޝަހުސީ ބާރެންނޫންހެއްޔެވެ. ފަހަރެއްގައިވެސް ވަހުޝީ ބާރެއްނޫނެވެ. ދައްކަން މިއުޅެނީ އާދައިގެ ވާހަކައަކަށްވިޔަސް އާދައިގެ ވާހަކައެއްނޫނެވެ.
ދިވެހިން، ނުވަތަ ދިވެހިވަންތަކަމަކީ ހައްދެއް ކަނޑައެޅިފައިނުވާ ކުޅިގަނޑެކެވެ. ދިވެހީންގަނޑު ކަނޑުމަސްކާތާ ޒަމާންތަކެއް ފަހަނަ އަޅައި ހިގައްޖެއެވެ. ވީދުވަހެއްވެދިޔައީއެވެ. ޚާއްސަކޮށް ކަޅުބިލަމަސް ކައި އުޅޭ ބަޔަކީ މާތްވެގެންވާ ދިވެހިންނެވެ. ހުސްބުޅީގައި ގަންނަ މަސް ކައި ކައި މިތިބެވެނީ އެއްގޯސްވެފައެވެ. ޒަމާނީ ބަހުން ބުނާނަމަ ބޮލުރޮދި ކެނޑިފައެވެ. މިކަމާ އެއްބަސް ވާކަށް ކޮންމެހެން ނުޖެހެއެވެ.
ވާލްޑު ކަޕެއް ބަޔަކުމީހުން ކުޅުނެއްކަމަކު މިތިބަ ދިވެހީންގަނޑަށް ކޮން ބަލާއެއް ހެއްޔެވެ! ވާބެހޭކަމެއްވެސްނޫނެވެ. ދިވެހި ދޮންދަރިޔަކު ނުވަތަ ދޮންބަފަޔަކު ކިއެއްތަ ދޮން އަމަޔަކުވެސް މިބޯޅަ ކުޅެނީކީ ނޫނެވެ. އަދި ދިވެއްސަކަށް ނިސްބަތްވާ ހަރާންދަރިޔަކުވެސް މި ބޯޅައެއްނުކުޅެއެވެ. ނައްޓާނެކަމެއް ނެތެވެ. ޖެހޭނީ ފެލި ފެލި ކަރުން ނާރު ފަލަކުރާން ތިބޭށެވެ.
ދަރީންތަކާއެވެ! މާތްވެގެންވާ ދިވެހީންތަކާއެވެ. ހޭއަރާ ހަމަބިމަށް ތިރިވާކަށް ނުވޭހެއްޔެވެ. ތިނެގެވެނީ ހަމަ ތިބެ ހިޔަންޏަށް މުޑިއެވެ. ހައްސައް ގޮރުކޮށިނާރަނީސް ރަމަތަވާށެވެ. ކަލޭމެން އަތުން، ޓީވީއެމް އާއި ދިރާގާ ގުޅިގެން ހައުދަހައިވާ ލާރިއެއް ފެލައިލާފިނޫން ހެއްޔެވެ. ކޮބާ ގޮނޑުހެރޭހެއްޔެވެ. އެވެރީން ކަލޭމެން ބުރަމަސައްކަތުން ހޯދި ލާރިފޮދު ބޯލީއެވެ.
ޓީވީއެމް ނިވްސް ކާސްޓަރުން ތަކާއި ޕްރޮޑިއުސޮރުން އެތިބެނީ ހިނިގެޅިފައެވެ. ކަލޭމެންވެސް ތިތިބެނީ ޓީވީ އައްބަލަ ބަލާފައި ސޮނިބާލާ، އަތްތިލަބަޑި ލަޑާންނޫންހެއްޔެވެ. މަޑުޖެހިލާފައި އަޅޭ ވިސްނާލަބަލާށެވެ. ….. ކޮބާ ނުވިސްނުނެންނު، ތިކުރެވެނީ އިންކާރު ހެއް. ބަޔަކު ރާވައިގެން ކުޅިވަރީ ވިޔަފާރި ގަނޑެއްގެ ދަށުވެފައި ނޫންހެއްޔެވެ.
މާލޭތެރޭ ދެން ގުންކިޔާފައި ބޯޅަ ގަނެގަނެގެން ކުޅެންދާށެވެ. ދެން ވާލްޑު ކަޕު ގައި އެވެރީން ރޯ ފަރަންޖީންގަނޑު ބޯހަދާހެން ބޯ ހަދައިގެން މަގުމަގު ގައި ދެއްކޭން ސައިކުގައި ބުރުޖަހާނީހެއްޔެވެ. މާލޭއަށް ބޮލުގައި ކުލަޖައްސާން ގެންގުޅޭ ޒާތްޒާތުގެ ކުލަފުޅި އެބަ ގެނެއެވެ. ބާކީ އަތުގައި ހުރި ލާރިފޮދު އެކަމަށް އޮހޮރާލާށެވެ. ޕަކަޕަކާސް ކަކަކަކަ….. ބޯޅަ ކުޅިޔަކީ މޯކުޅި އިނގޭތޯ! އަދި ހަމީދުބޭކުޅި ނޫނީ ފިރިހެންކުޅި! ލޮލް

ލިޔުނީ: ޓީވީއެމް ހަމްޒާ

މިލިޔުމާއި ގުޅޭ ވަރުހުރި ލިޔުމެއް ނިކަން ކިޔާލަބަލަ! ލިޔުން ކިޔުމަށް މިލިންކުގެ ބޭނުން ކުރެވޭނެ

ރައްޔިތުން “ފެލައިގެން” ފަންޑަކަށް ލާރިހޯދުން

ޖިންނި މޮޔަ އަކީ ވާއެއްޗެއްކަން ޤުރުއާނުން ވަރަށް ސާފު ކޮށް އެނގޭ! މިއީ ދޮގު ނުކުރެވޭނެ ﷲ ގެ ބަސްފުޅު.
الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ    ۚ ﴿البقرة(275
މާނައީ: ރިބާކާމީހުން، ޖިންނި މޮޔަވެގެން، ޝައިޠާނާ ތަޅުވަމުން ފޮޅުވަމުން ގެންދާ މީހަކު ތެދުވާ ފަދައިން މެނުވީ (ޤިޔާމަތްދުވަހުން އެއުރެން ކަށްވަޅުން) ނުތެދުވާނެއެވެ.
ﷲ ލައްވާފައި ނުވާ ކަމަކުން އެކަލާނގެ ފޮތުގައި މިސާލު ނުޖައްސަވާނެކަން ކަށަވަރެވެ. ކިތަންމެ ބަޔަކު ދޮގު ކުރިޔަސް ﷲ ޖިންނި މޮޔަވުމުގެ މިސާލުން ރިބާކާމީހުނާ މެދު މިސާލު ޖައްސަވާނީ ޖިންނި މޮޔަވުމަކީ ލައްވާފައިވާ ކަމަކަށް ވާތީއެވެ. ﷲ ގެ ބަސްފުޅުތައް ފުރިހަމައަށް ޤަބޫލު ކުރާ ބަޔަކަށް ވަމާ ހިންގަވާށެވެ.
ޖިންނި ބަލި ނުވަތަ ސިޙުރު ޖެހިއްޖެނަމަ އެނގޭނީ ކިހިނެއް؟

ސިޙުރު އަދި ޖިންނި ބަލީގެ ބައެއް ޢަލާމާތްތައް:
- ނަމާދު ކުރުމާއި ޤުރުއާން ކިޔެވުމާއި ދުރުހެލިވުން، މިކަންކަން ކުރާހިތްނުވުން އަދި ކުރާއިރު އުނދަގޫވުން. ޣާފިލުވުން (މިހެންވާނަމަ ގިނަގިނައިން أَعُوذُ بِاللهِ مِنَ الشَّيْطَانِ الرَّجِيْمِ) ކިޔާށެވެ. އަދި ކޮންމެދުވަހަކު 11 ފަހަރު كَافِرُون ސޫރަތް ކިޔަވާށެވެ. މިގޮތަށް މެދުނުކަޑައި މަދުވެގެން 11 ދުވަހު ޢަމަލު ކުރާށެވެ.

އިރާދަކުރެއްވިއްޔާ އަޅުކަމާ މަޝްޢޫލުވާހިތްވެ ނަމާދާއި ގާތްވާހުއްޓެވެ.
- ޢާއްމުކޮށް ބޮލުގައި ރިހުން (މެންދުރުވެގެން އަންނަ ވަގުތު އަދި ބޮޑަށް އިރުއޮއްސިގެން އަންނަ ވަގުތު ވަކިން ބޮޑަށް ރިހުން) އަދި ބޮލުގައި މީހަކު ހިފާފަ ހުންންގޮތަށްވެ ބަރުޖެހުން.
- ހުވަފެނުގައި ތަންތަނުން ވެއްޓޭތީފެނުން، ޢާއްމުކޮށް އުސްތަންތަނުން ވެއްޓޭތީފެނުން (އަދި ހޭލެވޭއިރު ވެއްޓެން ދާގޮތަށް ވުން.)
-  މީހާ މަޑުނެގިވެފައި ހުރުން (ކަންކަން ކުރާހިތްނުވުން، މަސައްކަތްކުރާހިތްނުވުން ކަންކަމުގައި އަޅައިނުގަނެ ހަރަކާތް ލަސްވުން).
-  ފާޚާނާގައި ގިނައިރުވުން، ފާޚާނާ ކުރާވަގުތު އަމިއްލަ ހިތާ ނުވަތަ އަމިއްލަ އަމިއްލައަށް ވާހަކަދެއްކުން.
- އަންހެނެއްނަމަ ޙައިޟު ގެ މައްސަލަ އާއްމުކޮށްޖެހުން. (މާގިނައިން ވުން، ވެފަ އަވަހަށް ރަނގަޅުނުވުން)
- ދެމަފިރިންގެ އެއްވެސް ޖިސްމާނީ މައްސަލައެއް ނުވަތަ ޑޮކްޓަރީ ބައްޔެއްނެތި ކިތަންމެ މަސައްކަތް ކުރިނަމަވެސް ދަރިން ނުލިބުން.
- ހުވަފެންތެރޭގައި ޖިންނީން ފެނުން އެތަކެއްޗާ ތަޅާފޮޅާތީ ނުވަތަ މުޢާމަލާ ކުރާތީ ފެނުން. ބިރުވެރި ހުވަފެން ޢާއްމުކޮށް ފެނުން. ޢައުރަ ނިވާނުކޮށް ތިބޭމީހުން ގިނައިން ފެނުން، ހަރުފަ ބުޅާ ފަދަ ޖަނަވާރު ފެނުން ބިރުވެރި ސިފައިގައި ތިބޭ މީހުން ފެނުން. ތަންތަނުން ވެއްޓޭތީ ފެނުން.

-ހޭލެވޭއިރު ވަރުބަލިވެ ބިރުގަނެ ހާސްވުން. ހަމަނިދި ނުނިދުން. ނިދަން އުނދަގޫވުން. ޢާއްމުކޮށް ދަންވަރަށް ނުނިދިގެން އުޅުން.
- ނިދީގައި ބާރަށް ވާހަކަދެއްކުން. ބާރަށް ގުގުރިދެމުން، ނިދީގައި ރޮވުން.
- ނިދީގައި ކުއްލިއަކަށް ސިއްސައިގެން ގޮސް ހޭލެވުން.
-  އެކަނި އިންނަ ވަގުތު ސިއްސަސިއްސައިގެން ދިޔުން.
- ގިނައިން އެކަނިވެރިވުން / އެކަނި މީހުން ނޫޅޭތަންތާގައި މާގިނައިން އިންނަ ހިތްވުން. ކަމަކާ ނުލައި ފިކުރު ބޮޑުވުން، އަދި ހާސްވުން. އެކަނި ހުންނައިރުވެސް ކައިރީ މީހަކު އުޅޭހެން ހީވުން.
- ޒިނޭކުރާތީ ޢާއްމުކޮށް ހުވަފެނުގައި ފެނުން އަދި މިފަދަ ހުވަފެނުންހޭލެވޭ އިރު ޝަހުވަތްތެރިވުން ނުވަތަ އެދުން ފުދިފައި އޮތުން. ނުވަތަ އެމީހަކު މިފަދަކަމެއް ކުރަން ހިތްކިޔާ މީހަކާއެކު މިފަދަ ގޮތަކަށް މާގިނައިން ފެނުން.
- ކާހިތްނުވުން، ކެއުމުގައި އުނދަގޫވުން ނުވަތަ އާދަޔާ ޚިލާފަށް ގިނައިން ކެވުން. ކިތައްމެވަރަށް ކެއަސް ބަނޑުހައިހޫނުކަން ނުފިލުން ނުވަތަ މާއަވަހަށް ބަނޑުހައިވުން.
- ފާޚާނާ ކުރާއިރު މީހަކު ހުންނަހެންހީވުން/ފެންވަރާއިރު މީހަކު ބަލަން ހުންނަހެން ހީވުން.
- މާގިނައިން މީހަކު ގައިގައި އަތްލާހެން ހީވުން (ޢާއްމުކޮށް އެކަނި އުޅޭވަގުތު) އަދި ގޮވާހެން ހީވުން.
- ގައިގެ ތަންތަން ހޭލާއިރު ރަތްވެފައި ހުރުން، ނުވަތާ ނޫފާވެފައި ހުރުން ނުވަތަ ވަކިދެމިފައި ހުރުން ނުވަތަ ފިހިފައި ހުންނަހެން ހުރުން.
-  ސާފުތާހިރުކަމާ ދުރުވުން، ފެންވަރާހިތްނުވުން.
- އަނދިރީގައި އުޅޭހިތްވުން، / މާބޮޑަށް ބިރުގަތުން އަދި އެކަނިވާނަމަ ބިރުގަތުން.
-  މާބޮޑަށް ހަނދާންނެތުން، ކުރަން އުޅޭކަންތައްވެސް އެވަގުތެއްގައި ހަނދާންނެތުން.
- ސަބަބަކާނުލައި ގައިގެ އެކިތަންތާގައި ރިއްސުން. ރިހުން އެކިފަހަރު އެކިތަނުގައި ހުރުން.
- ގައިގެ ތަންތަނުން ދިލަނެގުން، ކުރިމަތިފަރާތުން ދިލަނެގުން، ކުޑަކަމުދިއުމުން ދިލަނެގުން.
- ދެމަފިރިން ޖިމާޢު ވާއިރު ދިލަނެގުން ، ރިހުން، ނުވަތަ ޖިމާޢުވެ ނިމުމުން އާދަޔާ ޚިލާފަށް މިފަދަ ކަމެއްވުން.
މިއީ ސިޙުރު ނުވަތަ ޖިންނީގެ ބައްޔެއް ޖެހިފައިވާ މީހުންގެ ކިބައިން ފެންނާނެ ބައެއް ޢާއްމު ޢަލާމާތެވެ. މިނޫންވެސް އެކި އެކި ތަފާތު އަލާމާތް ތަފާތު ވައްތަރުގެ ސިޙުރުގެ އަދި ޖިންނީގެ ޢަލާމާތްތައް ވެއެވެ. ދަންނަންޖެހޭ ޙަޤީޤަތަކީ މީގެން ޢަލާމާތެއް މީހެއްގައި ހުންނަ ކޮންމެ ފަހަރަކު އެއީ ޖިންނި ބަލި ނުވަތަ ސިޙުރު ކަމުގައި ނުވެދާނެއެވެ. އެހެންކަހަލަ ބައްޔެއްގެ ސަބަބުންވެސް މިފަދަ ޢަލާމާތެއް ފެނުން އެކަށީގެންވެއެވެ. ޖިންނި ނުވަތަ ސިޙުރު ކަމުގައި ބެލެވޭނީ ޖުމްލަކޮށް ހުރިހާ ޢަލާމާތްތަކަކަށް ބަލައިގެނެވެ. އަދި ރުޤުޔާ އަޑުއެހުމުން މިފަދަ ކަމެއް ހުރިނަމަ އުނދަގުލެއްވާނަމައެވެ.

ލިޔުނީ: އަޖްނާދު ޢަލީ

Spiritual Healers of Maldives !!!

Add Ajnaadh Ali on Facebook

ރާއްޖޭގެ އެންމެ ބޯގިނަ ސިޔާސީ ޕާޓީކަމަށް ކިޔާ ޑީ.އާރު.ޕީގެ ކޮންގުރެސް ނިމުމާއިއެކު ދިވެހި ޖައްވުގައި އިރެއްގައި ތިމާމެން ވަރެއްނެތިގެން އުޅުނު ބައިގަނޑުގެ ހައިބަތު ރިޔާސީ އިންތިޚާބަށްފަހު ތިރިވި ވަރަށްވުރެ އެތައް ގުނައެއް ތިރިވެ މުޅިން ސައިޒަށް ކެނޑިއްޖެއެވެ. ވިސްނާލައްވާށެވެ. މައުމޫނުގެ މުޅި ހަޔާތްހެން ވެރިކަމުގައި ހޭދަކުރިއިރު ފައިދާވީ ރަށްޓެހިންނާއި އާއިލާ މީހުންނަށެވެ. މިވެރިންގެ ނުފޫޒު ބަލައިލި ކޮންމެ ދިމާއަކަށް ފާވެފައިވެއެވެ. އަދި ނުހައްޤުން ހޯދި ބައިވަރުތަކުން މުއްސަނދިވެ ކުރިއަރައި، ތަޢުލީމީ މީހުންނަށްވެ މިތިބީ މައުމޫނުގެ ވެރިކަން ވެއްޓޭދުވަހަކުން މިޤައުމުގެ ވެރިކަން ކުރާނަމޭ ހިތާޔޯލައެވެ. ނަމަވެސް މަސްރަހު ބަދަލުވެ ޤައުމުގެ ކަންތައްތައް އެފުއްމިފުށަށްޖެހި މައުމޫނަށްވެސް އަމިއްލައަށް މިދުވަސް ގެއްލޭނެކަމަށް ޤަބޫލުކުރެވި ކައިރީގައި ގެންގުޅުނު އިހުގެ “ރެލީތައް” އެއްފަރާތްކޮށް ޒަމާނީ “މައުންޓެއިން” ތަކަށް ބަދަލުކުރިއެވެ. ނަމަވެސް އާއިލާގެ ބައިވަރުގަނޑު ތަޢުލީމީވެގެން އައިސް އެކި ދިމަދިމާލަށް ތޮރުފި ތިބިއެވެ. ފަހުވަގުތު މައުމޫނު ޕާޓީ އުފެއްދުމުން އޭގެތެރެއަށްވެސް ބޭނި “ބޮޑުބެ” ޕާޓީވެގެން މިއުޅުނީ ބޮޑުބެގެ ވަރު ހުސްވާ ދުވަހަކުން ޕާޓީގެ ޒަޢާމަތާއި ޤައުމުގެ ވެރިކަން ލިބޭނެ ކަމުގެ އެދުންވެރިކަމުގައެވެ. މިގޮތަށް އުޅުނު އާއިލީ މީހުން މަދެއް ނޫނެވެ.

“ފެމިލީ” ހެދިގެން ނިމިދިޔަ ޑީ.އާރު.ޕީގެ ކޮންގުރެސްގައި ޕާޓީގެ ނައިބު ޒައީމު ކަމާއި ހަމައަށްވެސް ކުރިމަތިވެސް ލީއެވެ. މީއިރު ރައްޔިޔުންގެ ހައްޤުގައި ވޭތުވި 30އަހަރު މިވެރިން ކުރިކަމަކީ ބޮޑުބޭބެ ކާންދިނީމާ ކައިގެން ކުޅެފައި ނިދުމެވެ. ޑޮކްޓަރ ފާތިން ހަމީދަކީ ކޮންފެންވަރެއްގެ ކާކުކަންވެސް ކޮންގުރެސްގައި ބައިވެރިވާން ރަށްރަށުން އައި ގަބުޅި ކަތީބުންނާއި މާމައިންނަކަށް ނޭގުނެވެ. ހުރި ލަދެއްގެ ބޮޑުކަމާއިއެވެ. ދެފުއް ދެގޮތް އުމަރު ނަސީރަކީ އިއްޔެ މެނދުރު ޕާޓީގައި ޖެއްސި ކާޅެކެވެ. އެކަމަކު މީނާއަށް ވީވަރުވެސް ހަމީދުބޭގެ ދަރިންނަކަށް ނުވިއެވެ.

ރާއްޖޭގެ އެންމެ ބޮޑު ހުދުމުޚުތާރު ސިޔާސީ ޕާޓީ ޑީ.އާރު.ޕީގެ ބޮޑުން މިޕާޓީއަކީ އެތެރޭގެ ޑިމޮކްރެސީ ވަރުގަދަ ޕާޓީއެއްކަން ދައްކަން ހަދައިގެން ހުރިހާ ގެއްލުމެއް މިލިބުނީ ކުރީގެ ޝާހީ ޚާންދާނުގެ ބޭބޭފުޅުންނަށެވެ. ކުރާނެކަމެއް ނެތެވެ. އަބަދަކު ޑީ.އާރު.ޕީއަކަށްވެސް ކާމިނީ އާއިލާވަށައިގެންނެއް ނޭބުރެވޭނެއެވެ. އިނދިކޮޅު ޕާޓީގެ ޒިންމާ ނަގަންޏާ ތަސައްރަފު ފުރެން އެބަޖެހެއެވެ. ޒައީމޫއަކަށްވެސް އަބަދު އާއިލާކުދިން ރުއްސާކަށް އުޅެވޭކަށެއް ނެތެވެ. އަދިވެސް މުސްތަޤުބަލުގައި ވާނެގޮތެއް ހަމަ ބުނާކަށް ނޭގެއެވެ. މާދަމާވެސް ވެރިކަމުގައި ހުރިއިރު އަރައިގެންފައިވާ ނިކަމެތި ރައްޔިތުންގެ ހައްޤުތަކުގެ ބަދަލު ދޭން މަޖުބޫރުވެދާނެއެވެ.

ލިޔުނީ: ގަސްކުޑޭ